Dukanipāta
Nataṃdaḷhavagga
Khaṇḍajātaka
105. 508 [252] “Virūpakkhehi me mettaṁ,
Mettaṁ erāpathehi me;
Chabyāputtehi me mettaṁ,
Mettaṁ kaṇhāgotamakehi ca.
509 Apādakehi me mettaṁ,
mettaṁ dvipādakehi me;
Catuppadehi me mettaṁ,
mettaṁ bahuppadehi me.
510 Mā maṁ apādako hiṁsi,
mā maṁ hiṁsi dvipādako;
Mā maṁ catuppado hiṁsi,
mā maṁ hiṁsi bahuppado.
511 Sabbe sattā sabbe pāṇā,
sabbe bhūtā ca kevalā;
Sabbe bhadrāni passantu,
mā kañci[253] pāpamāgamā.
106. 512 Appamāṇo buddho,
Appamāṇo dhammo;
Appamāṇo saṁgho,
Pamāṇavantāni sarīsapāni[254];
Ahivicchikasatapadī,
Uṇṇanābhi sarabū mūsikā. [255]
513 Katā me rakkhā katā me parittā,
Paṭikkamantu bhūtāni;
Sohaṁ namo bhagavato,
Namo sattannaṁ sammāsambuddhānan”ti.
514 Khaṇḍajātakaṁ[256] tatiyaṁ.
- 4V:1035; 15A4:489 (Cross Reference) ↩
- kañci: kiñci (syā2, syā3, ka-ma) (Word Variant) ↩
- sarīsapāni: siriṁsapāni (sī, syā2, syā3, pā1) (Word Variant) ↩
- Uṇṇanābhi: uṇṇānābhi (sī, pā1), uṇṇānābhī (syā2, syā3) (Word Variant) ↩
- Khaṇḍajātakaṁ: khandhavattajātakaṁ (sī, pā1), khandhaparittajātakaṁ (syā2, syā3) (Word Variant) ↩