Ekūposathikavagga
Modakadāyikātherīapadāna
30. 190 [70] “Nagare bandhumatiyā,
kumbhadāsī ahosahaṁ;
Mama bhāgaṁ gahetvāna,
gacchaṁ udakahārikā[71].
31. 191 Panthamhi samaṇaṁ disvā,
santacittaṁ samāhitaṁ;
Pasannacittā sumanā,
modake tīṇidāsahaṁ.
32. 192 Tena kammena sukatena,
cetanāpaṇidhīhi ca;
Ekanavutikappāni,
vinipātaṁ nagacchahaṁ. [72]
33. 193 Sampatti taṁ[73] karitvāna,
sabbaṁ anubhaviṁ ahaṁ;
Modake tīṇi datvāna,
pattāhaṁ acalaṁ padaṁ.
34. 194 Kilesā jhāpitā mayhaṁ,
…pe…
viharāmi anāsavā.
35. 195 Svāgataṁ vata me āsi,
…pe…
kataṁ buddhassa sāsanaṁ.
36. 196 Paṭisambhidā catasso,
…pe…
kataṁ buddhassa sāsanaṁ”.
197 Itthaṁ sudaṁ modakadāyikā bhikkhunī imā gāthāyo abhāsitthāti.
198 Modakadāyikātheriyāpadānaṁ tatiyaṁ.
- 19Th2.45/1 (52 piṭṭhe) (Cross Reference) ↩
- udakahārikā: udakahārikaṁ (ka-sī), udakahārike (syā2, syā3), udakabhārikā (pā1) (Word Variant) ↩
- Ekanavutikappāni: ekūnatiṁsa kappāni (syā2, syā3) (Word Variant) ↩
- taṁ: sampattiṁ taṁ (sī, pā1), sampattiñca (syā2, syā3), sampattikaṁ (ka-ma) (Word Variant) ↩