Niddesa
Nikkhepakaṇḍa
Tikanikkhepa
Saṃkiliṭṭhattika
997. 1662 Katame dhammā saṁkiliṭṭhasaṁkilesikā? Tīṇi akusalamūlāni— lobho, doso, moho; tadekaṭṭhā ca kilesā; taṁsampayutto vedanākkhandho…pe… viññāṇakkhandho; taṁsamuṭṭhānaṁ kāyakammaṁ, vacīkammaṁ, manokammaṁ— ime dhammā saṁkiliṭṭhasaṁkilesikā.
998. 1663 Katame dhammā asaṁkiliṭṭhasaṁkilesikā? Sāsavā kusalābyākatā dhammā kāmāvacarā, rūpāvacarā, arūpāvacarā; rūpakkhandho, vedanākkhandho, saññākkhandho, saṅkhārakkhandho, viññāṇakkhandho— ime dhammā asaṁkiliṭṭhasaṁkilesikā.
999. 1664 Katame dhammā asaṁkiliṭṭhaasaṁkilesikā? Apariyāpannā maggā ca, maggaphalāni ca, asaṅkhatā ca dhātu— ime dhammā asaṁkiliṭṭhaasaṁkilesikā.