Tikanipāta
Abbhantaravagga
Sirijātaka
100. 808 “Yaṁ ussukā saṁgharanti,
alakkhikā bahuṁ dhanaṁ;
Sippavanto asippā ca,
lakkhivā tāni bhuñjati.
101. 809 Sabbattha katapuññassa,
aticcaññeva pāṇino;
Uppajjanti bahū bhogā,
appanāyatanesupi.
102. 810 Kukkuṭo maṇayo daṇḍo,
thiyo ca puññalakkhaṇā;
Uppajjanti apāpassa,
katapuññassa jantuno”ti. [439]
811 Sirijātakaṁ catutthaṁ.
- Kukkuṭo: kukkuṭa (sī, pā1), kukkuṭā (sī -nissya, saddanīti) (Word Variant) ↩