Tikanipāta
Udapānavagga
Satapattajātaka
85. 786 “Yathā māṇavako panthe,
siṅgāliṁ vanagocariṁ;
Atthakāmaṁ pavedentiṁ[422],
anatthakāmāti maññati;
Anatthakāmaṁ satapattaṁ,
atthakāmoti maññati.
86. 787 Evameva idhekacco,
puggalo hoti tādiso;
Hitehi vacanaṁ vutto,
paṭigaṇhāti vāmato.
87. 788 Ye ca kho naṁ pasaṁsanti,
bhayā ukkaṁsayanti vā[423];
Tañhi so maññate mittaṁ,
satapattaṁva māṇavo”ti.
789 Satapattajātakaṁ navamaṁ.