Tikanipāta
Udapānavagga
Puṭadūsakajātaka
88. 790 “Addhā hi nūna migarājā,
puṭakammassa kovido;
Tathā hi puṭaṁ dūseti,
aññaṁ nūna karissati”.
89. 791 “Na me mātā vā pitā vā,
puṭakammassa kovido;
Kataṁ kataṁ kho dūsema,
evaṁ dhammamidaṁ kulaṁ”.
90. 792 “Yesaṁ vo ediso dhammo,
Adhammo pana kīdiso;
Mā vo dhammaṁ adhammaṁ vā,
Addasāma kudācanan”ti.
793 Puṭadūsakajātakaṁ[424] dasamaṁ.
Udapānavaggo[425] tatiyo.
794
795 Udapānavaraṁ vanabyaggha kapi,
Sikhinī ca balāka ruciravaro;
Sujanādhiparomakadūsa puna,
Satapattavaro puṭakamma dasāti.