Samuṭṭhānasīsasaṅkhepa
Terasasamuṭṭhāna
Addhānasamuṭṭhāna
265. 1131 Addhānanāvaṁ paṇītaṁ,
mātugāmena saṁhare;
Dhaññaṁ nimantitā ceva,
aṭṭha ca pāṭidesanī.
1132 Sikkhā pannarasa ete,
kāyā na vācā na manā;
Kāyavācāhi jāyanti,
na te cittena jāyare.
1133 Kāyacittena jāyanti,
na te jāyanti vācato;
Kāyavācāhi cittena,
samuṭṭhānā catubbidhā;
Paññattā buddhañāṇena,
addhānena sahā samā[136].
1134 Addhānasamuṭṭhānaṁ niṭṭhitaṁ.
- samā: samā nayā (syā1-3) (Word Variant) ↩