Samuṭṭhānasīsasaṅkhepa
Terasasamuṭṭhāna
Paṭhamapārājikasamuṭṭhāna
258. 1088 Methunaṁ sukkasaṁsaggo,
aniyatā paṭhamikā;
Pubbūpaparipācitā,
raho bhikkhuniyā saha.
1089 Sabhojane raho dve ca[121],
aṅguli udake hasaṁ;
Pahāre uggire ceva,
tepaññāsā ca sekhiyā.
1090 Adhakkhagāmāvassutā,
talamaṭṭhañca suddhikā;
Vassaṁvuṭṭhā ca ovādaṁ,
nānubandhe pavattiniṁ.
1091 Chasattati ime sikkhā,
kāyamānasikā katā;
Sabbe ekasamuṭṭhānā,
paṭhamaṁ pārājikaṁ yathā.
1092 Paṭhamapārājikasamuṭṭhānaṁ niṭṭhitaṁ.
- ca: raho ceva (sī) (Word Variant) ↩