Nahetu-naārammaṇa

16. 988 Abyākataṁ hetuvippayuttaṁ dhammaṁ paṭicca abyākato hetuvippayutto dhammo uppajjati nahetupaccayā. (1)

989 Akusalaṁ hetuvippayuttaṁ dhammaṁ paṭicca abyākato hetuvippayutto dhammo uppajjati naārammaṇapaccayā. (1)

990 Abyākataṁ hetuvippayuttaṁ dhammaṁ paṭicca abyākato hetuvippayutto dhammo uppajjati naārammaṇapaccayā. (1)

991 Akusalaṁ hetuvippayuttañca abyākataṁ hetuvippayuttañca dhammaṁ paṭicca abyākato hetuvippayutto dhammo uppajjati naārammaṇapaccayā. (Saṁkhittaṁ.)

17. 992 Nahetuyā ekaṁ, naārammaṇe tīṇi, naadhipatiyā tīṇi…pe… novigate tīṇi. (Saṁkhittaṁ.)

993 (Sahajātavārampi…pe… sampayuttavārampi paṭiccavārasadisaṁ.)