Kusalattika, Hetugocchaka
Kusalattika, Hetusampayuttaduka
Hetuvippayuttapada
Paṭiccādivāra
Paccayacatukka
Hetu-ārammaṇa-anantara
18. 994 Akusalo hetuvippayutto dhammo abyākatassa hetuvippayuttassa dhammassa hetupaccayena paccayo. (1)
995 Akusalo hetuvippayutto dhammo akusalassa hetuvippayuttassa dhammassa ārammaṇapaccayena paccayo. Akusalo hetuvippayutto dhammo abyākatassa hetuvippayuttassa dhammassa ārammaṇapaccayena paccayo. (2)
996 Abyākato hetuvippayutto dhammo abyākatassa hetuvippayuttassa dhammassa ārammaṇapaccayena paccayo. Abyākato hetuvippayutto dhammo akusalassa hetuvippayuttassa dhammassa ārammaṇapaccayena paccayo. (2)
997 Akusalo hetuvippayutto dhammo akusalassa hetuvippayuttassa dhammassa anantarapaccayena paccayo. Akusalo hetuvippayutto dhammo abyākatassa hetuvippayuttassa dhammassa anantarapaccayena paccayo. (2)
998 Abyākato hetuvippayutto dhammo abyākatassa hetuvippayuttassa dhammassa anantarapaccayena paccayo. Abyākato hetuvippayutto dhammo akusalassa hetuvippayuttassa dhammassa anantarapaccayena paccayo. (2) (Saṁkhittaṁ.)
19. 999 Hetuyā ekaṁ, ārammaṇe cattāri, anantare cattāri, samanantare cattāri, sahajāte tīṇi, aññamaññe ekaṁ, nissaye cattāri, upanissaye cattāri, purejāte pacchājāte āsevane dve, kamme…pe… jhāne ekaṁ, sampayutte ekaṁ, vippayutte tīṇi…pe… avigate cattāri. (Saṁkhittaṁ.)
1000 Nahetuyā pañca, naārammaṇe pañca. (Saṁkhittaṁ.)
1001 Hetupaccayā naārammaṇe ekaṁ. (Saṁkhittaṁ.)
1002 Nahetupaccayā ārammaṇe cattāri. (Saṁkhittaṁ.)
1003 (Yathā kusalattike pañhāvāraṁ, evaṁ vitthāretabbaṁ.)