Tika, Hetuduka
Dassanenapahātabbattika, Hetuduka
Nahetupada
Paṭiccādivāra
Paccayacatukka
Nahetu-naārammaṇa
120. 415 Nevadassanena nabhāvanāya pahātabbaṁ nahetuṁ dhammaṁ paṭicca nevadassanena nabhāvanāya pahātabbo nahetu dhammo uppajjati nahetupaccayā.
416 Dassanena pahātabbaṁ nahetuṁ dhammaṁ paṭicca nevadassanena nabhāvanāya pahātabbo nahetu dhammo uppajjati naārammaṇapaccayā. (1)
417 Bhāvanāya pahātabbaṁ nahetuṁ dhammaṁ paṭicca nevadassanena nabhāvanāya pahātabbo nahetu dhammo uppajjati naārammaṇapaccayā. (1)
418 Nevadassanena nabhāvanāya pahātabbaṁ nahetuṁ dhammaṁ paṭicca nevadassanena nabhāvanāya pahātabbo nahetu dhammo uppajjati naārammaṇapaccayā. (1)
419 Dassanena pahātabbaṁ nahetuñca nevadassanena nabhāvanāya pahātabbaṁ nahetuñca dhammaṁ paṭicca nevadassanena nabhāvanāya pahātabbo nahetu dhammo uppajjati naārammaṇapaccayā. (1)
420 Bhāvanāya pahātabbaṁ nahetuñca nevadassanena nabhāvanāya pahātabbaṁ nahetuñca dhammaṁ paṭicca nevadassanena nabhāvanāya pahātabbo nahetu dhammo uppajjati naārammaṇapaccayā. (1) (Saṁkhittaṁ.)
121. 421 Nahetuyā ekaṁ, naārammaṇe pañca, naadhipatiyā nava…pe… napurejāte satta, napacchājāte naāsevane nava, nakamme tīṇi, navipāke nava, naāhāre naindriye najhāne namagge ekaṁ…pe… navippayutte tīṇi…pe… novigate pañca. (Saṁkhittaṁ.)
422 Hetupaccayā naārammaṇe pañca. (Saṁkhittaṁ.)
423 Nahetupaccayā ārammaṇe ekaṁ. (Saṁkhittaṁ.)
424 (Sahajātavārampi paccayavārampi nissayavārampi saṁsaṭṭhavārampi sampayuttavārampi paṭiccavārasadisaṁ vitthāretabbaṁ.)