Tika, Hetuduka
Dassanenapahātabbattika, Hetuduka
Nahetupada
Paṭiccādivāra
Paccayacatukka
Hetu-ārammaṇa
118. 406 Dassanena pahātabbaṁ nahetuṁ dhammaṁ paṭicca dassanena pahātabbo nahetu dhammo uppajjati hetupaccayā. Dassanena pahātabbaṁ nahetuṁ dhammaṁ paṭicca nevadassanena nabhāvanāya pahātabbo nahetu dhammo uppajjati hetupaccayā. Dassanena pahātabbaṁ nahetuṁ dhammaṁ paṭicca dassanena pahātabbo nahetu ca nevadassanena nabhāvanāya pahātabbo nahetu ca dhammā uppajjanti hetupaccayā… tīṇi.
407 Bhāvanāya pahātabbaṁ nahetuṁ dhammaṁ paṭicca bhāvanāya pahātabbo nahetu dhammo uppajjati hetupaccayā. Bhāvanāya pahātabbaṁ nahetuṁ dhammaṁ paṭicca nevadassanena nabhāvanāya pahātabbo nahetu dhammo uppajjati hetupaccayā. Bhāvanāya pahātabbaṁ nahetuṁ dhammaṁ paṭicca bhāvanāya pahātabbo nahetu ca nevadassanena nabhāvanāya pahātabbo nahetu ca dhammā uppajjanti hetupaccayā… tīṇi.
408 Nevadassanena nabhāvanāya pahātabbaṁ nahetuṁ dhammaṁ paṭicca nevadassanena nabhāvanāya pahātabbo nahetu dhammo uppajjati hetupaccayā. (1)
409 Dassanena pahātabbaṁ nahetuñca nevadassanena nabhāvanāya pahātabbaṁ nahetuñca dhammaṁ paṭicca nevadassanena nabhāvanāya pahātabbo nahetu dhammo uppajjati hetupaccayā. (1)
410 Bhāvanāya pahātabbaṁ nahetuñca nevadassanena nabhāvanāya pahātabbaṁ nahetuñca dhammaṁ paṭicca nevadassanena nabhāvanāya pahātabbo nahetu dhammo uppajjati hetupaccayā. (1)
411 Dassanena pahātabbaṁ nahetuṁ dhammaṁ paṭicca dassanena pahātabbo nahetu dhammo uppajjati ārammaṇapaccayā. (1)
412 Bhāvanāya pahātabbaṁ nahetuṁ dhammaṁ paṭicca bhāvanāya pahātabbo nahetu dhammo uppajjati ārammaṇapaccayā. (1)
413 Nevadassanena nabhāvanāya pahātabbaṁ nahetuṁ dhammaṁ paṭicca nevadassanena nabhāvanāya pahātabbo nahetu dhammo uppajjati ārammaṇapaccayā. (Saṁkhittaṁ.)
119. 414 Hetuyā nava, ārammaṇe tīṇi, adhipatiyā nava…pe… vipāke ekaṁ…pe… avigate nava. (Saṁkhittaṁ.)