Tika, Hetuduka
Kusalattika, Hetuduka
Nahetupada
Paṭiccādivāra
Paccayacatukka
Nahetu-naārammaṇādi
18. 53 Abyākataṁ nahetuṁ dhammaṁ paṭicca abyākato nahetu dhammo uppajjati nahetupaccayā. (1)
54 Kusalaṁ nahetuṁ dhammaṁ paṭicca abyākato nahetu dhammo uppajjati naārammaṇapaccayā. (1)
55 Akusalaṁ nahetuṁ dhammaṁ paṭicca abyākato nahetu dhammo uppajjati naārammaṇapaccayā. (1)
56 Abyākataṁ nahetuṁ dhammaṁ paṭicca abyākato nahetu dhammo uppajjati naārammaṇapaccayā. (1)
57 Kusalaṁ nahetuñca abyākataṁ nahetuñca dhammaṁ paṭicca abyākato nahetu dhammo uppajjati naārammaṇapaccayā. (1)
58 Akusalaṁ nahetuñca abyākataṁ nahetuñca dhammaṁ paṭicca abyākato nahetu dhammo uppajjati naārammaṇapaccayā. (1) (Saṁkhittaṁ.)
19. 59 Nahetuyā ekaṁ, naārammaṇe pañca, naadhipatiyā nava, naanantare pañca, nasamanantare pañca, naaññamaññe pañca, naupanissaye pañca, napurejāte satta, napacchājāte nava, naāsevane nava, nakamme tīṇi, navipāke nava, naāhāre ekaṁ, naindriye ekaṁ, najhāne ekaṁ, namagge ekaṁ, nasampayutte pañca, navippayutte tīṇi, nonatthiyā pañca, novigate pañca. (Saṁkhittaṁ.)
60 Hetupaccayā naārammaṇe pañca. (Saṁkhittaṁ.)
61 Nahetupaccayā ārammaṇe ekaṁ. (Saṁkhittaṁ.)
62 (Sahajātavārampi paccayavārampi nissayavārampi saṁsaṭṭhavārampi sampayuttavārampi paṭiccavārasadisā vitthāretabbā.)