Tika, Hetuduka
Kusalattika, Hetuduka
Nahetupada
Paṭiccādivāra
Paccayacatukka
Hetu-ārammaṇa
15. 44 Kusalaṁ nahetuṁ dhammaṁ paṭicca kusalo nahetu dhammo uppajjati hetupaccayā. Kusalaṁ nahetuṁ dhammaṁ paṭicca abyākato nahetu dhammo uppajjati hetupaccayā. Kusalaṁ nahetuṁ dhammaṁ paṭicca kusalo nahetu ca abyākato nahetu ca dhammā uppajjanti hetupaccayā. (3)
45 Akusalaṁ nahetuṁ dhammaṁ paṭicca akusalo nahetu dhammo uppajjati hetupaccayā. Akusalaṁ nahetuṁ dhammaṁ paṭicca abyākato nahetu dhammo uppajjati hetupaccayā. Akusalaṁ nahetuṁ dhammaṁ paṭicca akusalo nahetu ca abyākato nahetu ca dhammā uppajjanti hetupaccayā. (3)
46 Abyākataṁ nahetuṁ dhammaṁ paṭicca abyākato nahetu dhammo uppajjati hetupaccayā. (1)
47 Kusalaṁ nahetuñca abyākataṁ nahetuñca dhammaṁ paṭicca abyākato nahetu dhammo uppajjati hetupaccayā. (1)
48 Akusalaṁ nahetuñca abyākataṁ nahetuñca dhammaṁ paṭicca abyākato nahetu dhammo uppajjati hetupaccayā. (1)
16. 49 Kusalaṁ nahetuṁ dhammaṁ paṭicca kusalo nahetu dhammo uppajjati ārammaṇapaccayā. (1)
50 Akusalaṁ nahetuṁ dhammaṁ paṭicca akusalo nahetu dhammo uppajjati ārammaṇapaccayā. (1)
51 Abyākataṁ nahetuṁ dhammaṁ paṭicca abyākato nahetu dhammo uppajjati ārammaṇapaccayā (1) (Saṁkhittaṁ.)
17. 52 Hetuyā nava, ārammaṇe tīṇi, adhipatiyā nava, anantare tīṇi, samanantare tīṇi, sahajāte nava, aññamaññe tīṇi, nissaye nava, upanissaye tīṇi, purejāte tīṇi, āsevane tīṇi, kamme nava, vipāke ekaṁ, āhāre nava, indriye nava, jhāne nava, magge nava, sampayutte tīṇi, vippayutte nava, atthiyā nava, natthiyā tīṇi, vigate tīṇi, avigate nava. (Saṁkhittaṁ.)