Niddesa
Nikkhepakaṇḍa
Tikanikkhepa
Micchattaniyatattika
1035. 1700 Katame dhammā micchattaniyatā? Pañca kammāni ānantarikāni, yā ca micchādiṭṭhiniyatā— ime dhammā micchattaniyatā.
1036. 1701 Katame dhammā sammattaniyatā? Cattāro maggā apariyāpannā— ime dhammā sammattaniyatā.
1037. 1702 Katame dhammā aniyatā? Te dhamme ṭhapetvā, avasesā kusalākusalābyākatā dhammā kāmāvacarā, rūpāvacarā, arūpāvacarā, apariyāpannā; vedanākkhandho…pe… viññāṇakkhandho; sabbañca rūpaṁ, asaṅkhatā ca dhātu— ime dhammā aniyatā.