Niddesa
Nikkhepakaṇḍa
Tikanikkhepa
Hīnattika
1032. 1697 Katame dhammā hīnā? Tīṇi akusalamūlāni— lobho, doso, moho; tadekaṭṭhā ca kilesā; taṁsampayutto vedanākkhandho…pe… viññāṇakkhandho; taṁsamuṭṭhānaṁ kāyakammaṁ, vacīkammaṁ, manokammaṁ— ime dhammā hīnā.
1033. 1698 Katame dhammā majjhimā? Sāsavā kusalābyākatā dhammā kāmāvacarā, rūpāvacarā, arūpāvacarā, rūpakkhandho…pe… viññāṇakkhandho— ime dhammā majjhimā.
1034. 1699 Katame dhammā paṇītā? Apariyāpannā maggā ca, maggaphalāni ca, asaṅkhatā ca dhātu— ime dhammā paṇītā.