Niddesa
Cittuppādakaṇḍa
Lokuttaravipāka-paṭhamamaggavipāka
Suddhikasuññata
510. 997 Katame dhammā abyākatā? Yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vivicceva kāmehi…pe… paṭhamaṁ jhānaṁ upasampajja viharati suññataṁ, tasmiṁ samaye phasso hoti…pe… avikkhepo hoti…pe… ime dhammā kusalā. Tasseva lokuttarassa kusalassa jhānassa katattā bhāvitattā vipākaṁ vivicceva kāmehi…pe… paṭhamaṁ jhānaṁ upasampajja viharati suññataṁ, tasmiṁ samaye phasso hoti…pe… avikkhepo hoti…pe… ime dhammā abyākatā.
511. 998 Katame dhammā abyākatā? Yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vivicceva kāmehi…pe… paṭhamaṁ jhānaṁ upasampajja viharati suññataṁ, tasmiṁ samaye phasso hoti…pe… avikkhepo hoti…pe… ime dhammā kusalā. Tasseva lokuttarassa kusalassa jhānassa katattā bhāvitattā vipākaṁ vivicceva kāmehi…pe… paṭhamaṁ jhānaṁ upasampajja viharati animittaṁ, tasmiṁ samaye phasso hoti…pe… avikkhepo hoti…pe… ime dhammā abyākatā.
512. 999 Katame dhammā abyākatā? Yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vivicceva kāmehi…pe… paṭhamaṁ jhānaṁ upasampajja viharati suññataṁ, tasmiṁ samaye phasso hoti…pe… avikkhepo hoti…pe… ime dhammā kusalā. Tasseva lokuttarassa kusalassa jhānassa katattā bhāvitattā vipākaṁ vivicceva kāmehi…pe… paṭhamaṁ jhānaṁ upasampajja viharati appaṇihitaṁ, tasmiṁ samaye phasso hoti…pe… avikkhepo hoti…pe… ime dhammā abyākatā.
513. 1000 Katame dhammā abyākatā? Yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vitakkavicārānaṁ vūpasamā…pe… dutiyaṁ jhānaṁ…pe… tatiyaṁ jhānaṁ…pe… catutthaṁ jhānaṁ…pe… paṭhamaṁ jhānaṁ…pe… pañcamaṁ jhānaṁ upasampajja viharati suññatanti kusalaṁ…pe… suññatanti vipāko…pe… suññatanti kusalaṁ…pe… animittanti vipāko…pe… suññatanti kusalaṁ…pe… appaṇihitanti vipāko, tasmiṁ samaye phasso hoti…pe… avikkhepo hoti…pe… ime dhammā abyākatā.
1001 Suddhikasuññataṁ.