Niddesa
Cittuppādakaṇḍa
Rūpāvacarakusala
598 Cattāri ārammaṇāni
181. 599 Katame dhammā kusalā? Yasmiṁ samaye rūpūpapattiyā maggaṁ bhāveti vivicceva kāmehi…pe… paṭhamaṁ jhānaṁ upasampajja viharati parittaṁ parittārammaṇaṁ pathavīkasiṇaṁ, tasmiṁ samaye phasso hoti…pe… avikkhepo hoti…pe… ime dhammā kusalā.
182. 600 Katame dhammā kusalā? Yasmiṁ samaye rūpūpapattiyā maggaṁ bhāveti vivicceva kāmehi…pe… paṭhamaṁ jhānaṁ upasampajja viharati parittaṁ appamāṇārammaṇaṁ pathavīkasiṇaṁ— tasmiṁ samaye phasso hoti…pe… avikkhepo hoti…pe… ime dhammā kusalā.
183. 601 Katame dhammā kusalā? Yasmiṁ samaye rūpūpapattiyā maggaṁ bhāveti vivicceva kāmehi…pe… paṭhamaṁ jhānaṁ upasampajja viharati appamāṇaṁ parittārammaṇaṁ pathavīkasiṇaṁ, tasmiṁ samaye phasso hoti…pe… avikkhepo hoti…pe… ime dhammā kusalā.
184. 602 Katame dhammā kusalā? Yasmiṁ samaye rūpūpapattiyā maggaṁ bhāveti vivicceva kāmehi…pe… paṭhamaṁ jhānaṁ upasampajja viharati appamāṇaṁ appamāṇārammaṇaṁ pathavīkasiṇaṁ, tasmiṁ samaye phasso hoti…pe… avikkhepo hoti…pe… ime dhammā kusalā.
185. 603 Katame dhammā kusalā? Yasmiṁ samaye rūpūpapattiyā maggaṁ bhāveti vitakkavicārānaṁ vūpasamā…pe… dutiyaṁ jhānaṁ…pe… tatiyaṁ jhānaṁ…pe… catutthaṁ jhānaṁ…pe… paṭhamaṁ jhānaṁ…pe… pañcamaṁ jhānaṁ upasampajja viharati parittaṁ parittārammaṇaṁ pathavīkasiṇaṁ…pe… parittaṁ appamāṇārammaṇaṁ pathavīkasiṇaṁ…pe… appamāṇaṁ parittārammaṇaṁ pathavīkasiṇaṁ…pe… appamāṇaṁ appamāṇārammaṇaṁ pathavīkasiṇaṁ, tasmiṁ samaye phasso hoti…pe… avikkhepo hoti…pe… ime dhammā kusalā.
604 Cattāri ārammaṇāni.