Tikanipāta
Abbhantaravagga
Sīlavīmaṃsakajātaka
118. 832 “Sīlaṁ kireva kalyāṇaṁ,
sīlaṁ loke anuttaraṁ;
Passa ghoraviso nāgo,
sīlavāti na haññati.
119. 833 Sohaṁ sīlaṁ samādissaṁ,
loke anumataṁ sivaṁ;
Ariyavuttisamācāro,
yena vuccati sīlavā.
120. 834 Ñātīnañca piyo hoti,
mittesu ca virocati;
Kāyassa bhedā sugatiṁ,
upapajjati sīlavā”ti.
835 Sīlavīmaṁsakajātakaṁ[453] dasamaṁ.
Abbhantaravaggo catuttho.
836
837 Duma kaṁsavaruttamabyagghamigā,
Maṇayo maṇi sālukamavhayano;
Anusāsaniyopi ca macchavaro,
Maṇikuṇḍalakena kirena dasāti.
- Sīlavīmaṁsakajātakaṁ: sīlavīmaṁsajātakaṁ (sī, syā2, syā3, pā1) (Word Variant) ↩