Dukanipāta
Santhavavagga
Kakaṇṭakajātaka
39. 401 “Nāyaṁ pure uṇṇamati[200],
toraṇagge kakaṇṭako;
Mahosadha vijānāhi,
kena thaddho kakaṇṭako”.
40. 402 “Aladdhapubbaṁ laddhāna,
aḍḍhamāsaṁ kakaṇṭako;
Atimaññati rājānaṁ,
vedehaṁ mithilaggahan”ti.
403 Kakaṇṭakajātakaṁ dasamaṁ.
Santhavavaggo dutiyo.
404
405 Atha indasamāna sapaṇṇakuṭi,
Susimuttama gijjha jalābujako;
Upasāḷaka bhikkhu salāpavaro,
Atha mettavaro dasapuṇṇamatīti.
- uṇṇamati: unnamati (syā2, syā3) (Word Variant) ↩