Cūḷantaraduka, Kusalattika
42. 118 Naapaccayaṁ nakusalaṁ dhammaṁ paṭicca…pe… . (Sabbattha ekaṁ.)
119 Naasaṅkhataṁ nakusalaṁ dhammaṁ paṭicca…pe… . (Sabbattha ekaṁ)
43. 120 Nasanidassanaṁ nakusalaṁ dhammaṁ paṭicca… . (Saṁkhittaṁ.)
121 Hetuyā tīṇi, ārammaṇe ekaṁ…pe… avigate tīṇi.
44. 122 Nasappaṭighaṁ nakusalaṁ dhammaṁ paṭicca…pe… naappaṭighaṁ nakusalaṁ dhammaṁ paṭicca… . (Saṁkhittaṁ.)
123 Hetuyā nava, ārammaṇe ekaṁ…pe… aññamaññe cha…pe… avigate nava.
45. 124 Narūpiṁ nakusalaṁ dhammaṁ paṭicca…pe… naarūpiṁ nakusalaṁ dhammaṁ paṭicca… . (Saṁkhittaṁ.)
125 Hetuyā nava, ārammaṇe tīṇi, adhipatiyā pañca…pe… aññamaññe cha…pe… purejāte āsevane ekaṁ…pe… avigate nava.
46. 126 Nalokiyaṁ nakusalaṁ dhammaṁ paṭicca…pe… nalokuttaraṁ nakusalaṁ dhammaṁ paṭicca… . (Saṁkhittaṁ.)
127 Hetuyā pañca, ārammaṇe dve…pe… āsevane ekaṁ…pe… avigate pañca.
47. 128 Nakenaci viññeyyaṁ nakusalaṁ dhammaṁ paṭicca…pe… nanakenaci viññeyyaṁ nakusalaṁ dhammaṁ paṭicca… . (Saṁkhittaṁ.)
129 Hetuyā nava…pe… avigate nava.