Kusalattika, Hetusampayuttaduka
5. 18 Nakusalaṁ nahetusampayuttaṁ dhammaṁ paṭicca akusalo hetusampayutto dhammo uppajjati hetupaccayā. Nakusalaṁ nahetusampayuttaṁ dhammaṁ paṭicca abyākato hetusampayutto dhammo uppajjati hetupaccayā. Naakusalaṁ nahetusampayuttaṁ dhammaṁ paṭicca abyākato hetusampayutto dhammo uppajjati hetupaccayā… cha. (Sahetukasadisaṁ. Saṁkhittaṁ.)
19 Nakusalaṁ nahetuvippayuttaṁ dhammaṁ paṭicca abyākato hetuvippayutto dhammo uppajjati hetupaccayā… cha. (Ahetukasadisaṁ. Saṁkhittaṁ.)