Āsavasāsavaduka, Kusalattika
20. 53 Naāsavañceva naanāsavañca nakusalaṁ dhammaṁ paccayā sāsavo ceva noāsavo ca kusalo dhammo uppajjati hetupaccayā. (Saṁkhittaṁ.) Hetuyā ekaṁ…pe… avigate ekaṁ.
54 Naāsavañceva naanāsavañca naakusalaṁ dhammaṁ paccayā āsavo ceva sāsavo ca akusalo dhammo uppajjati hetupaccayā. (Saṁkhittaṁ.) Hetuyā tīṇi…pe… avigate tīṇi.
55 Naāsavañceva naanāsavañca naabyākataṁ dhammaṁ paṭicca sāsavo ceva no ca āsavo abyākato dhammo uppajjati hetupaccayā. (Saṁkhittaṁ.) Hetuyā tīṇi, adhipatiyā tīṇi…pe… avigate tīṇi.