Hetuduka, Hīnattika
76. 183 Nahetuṁ nahīnaṁ dhammaṁ paccayā hetu hīno dhammo uppajjati hetupaccayā. (Saṁkhittaṁ.) Hetuyā tīṇi…pe… avigate tīṇi.
184 Nahetuṁ namajjhimaṁ dhammaṁ paṭicca nahetu majjhimo dhammo uppajjati hetupaccayā. Nanahetuṁ namajjhimaṁ dhammaṁ paṭicca nahetu majjhimo dhammo uppajjati hetupaccayā. (Saṁkhittaṁ.) Hetuyā tīṇi, adhipatiyā tīṇi…pe… avigate tīṇi.
185 Nahetuṁ napaṇītaṁ dhammaṁ paccayā hetu paṇīto dhammo uppajjati hetupaccayā. (Saṁkhittaṁ.) Hetuyā tīṇi…pe… avigate tīṇi.