Hetuduka, Upādinnattika
64. 149 Nahetu naupādinnupādāniyo dhammo hetussa upādinnupādāniyassa dhammassa ārammaṇapaccayena paccayo. Nahetu naupādinnupādāniyo dhammo nahetussa upādinnupādāniyassa dhammassa ārammaṇapaccayena paccayo. Nahetu naupādinnupādāniyo dhammo hetussa upādinnupādāniyassa ca nahetussa upādinnupādāniyassa ca dhammassa ārammaṇapaccayena paccayo. (3)
150 Nanahetu naupādinnupādāniyo dhammo nahetussa upādinnupādāniyassa dhammassa ārammaṇapaccayena paccayo… tīṇi.
151 Nahetu naupādinnupādāniyo ca nanahetu naupādinnupādāniyo ca dhammā hetussa upādinnupādāniyassa dhammassa ārammaṇapaccayena paccayo… tīṇi. (Saṁkhittaṁ. Nava pañhā.) Ārammaṇe anantare samanantare uppanissaye nava, purejāte tīṇi, kamme tīṇi, āhāre ekaṁ, atthiyā tīṇi, natthiyā vigate nava, avigate tīṇi.
152 Nahetuṁ naanupādinnupādāniyaṁ dhammaṁ paccayā hetu anupādinnupādāniyo dhammo uppajjati hetupaccayā. (Saṁkhittaṁ.) Hetuyā tīṇi, adhipatiyā tīṇi…pe… avigate tīṇi.
153 Nahetuṁ naanupādinnaanupādāniyaṁ dhammaṁ paccayā hetu anupādinnaanupādāniyo dhammo uppajjati hetupaccayā. (Saṁkhittaṁ.) Hetuyā tīṇi…pe… avigate tīṇi.