Hetuduka, Vedanāttika
62. 143 Nahetuṁ nasukhāya vedanāya sampayuttaṁ dhammaṁ paṭicca hetu sukhāya vedanāya sampayutto dhammo uppajjati hetupaccayā. Nahetuṁ nasukhāya vedanāya sampayuttaṁ dhammaṁ paṭicca nahetu sukhāya vedanāya sampayutto dhammo uppajjati hetupaccayā. Nahetuṁ nasukhāya vedanāya sampayuttaṁ dhammaṁ paṭicca hetu sukhāya vedanāya sampayutto ca nahetu sukhāya vedanāya sampayutto ca dhammā uppajjanti hetupaccayā. (Saṁkhittaṁ.) Hetuyā tīṇi…pe… avigate tīṇi.
144 Nahetu nadukkhāya vedanāya sampayuttamūlaṁ tīṇiyeva. (Saṁkhittaṁ.) Hetuyā tīṇi…pe… avigate tīṇi. (Vipākaṁ natthi.)
145 Nahetuṁ naadukkhamasukhāya vedanāya sampayuttaṁ dhammaṁ paṭicca hetu adukkhamasukhāya vedanāya sampayutto dhammo uppajjati hetupaccayā. (Saṁkhittaṁ.) Hetuyā tīṇi…pe… avigate tīṇi.