Atītārammaṇattika
Paṭiccādivāra
47. 127 Atītārammaṇaṁ dhammaṁ paṭicca naatītārammaṇo dhammo uppajjati hetupaccayā. Atītārammaṇaṁ dhammaṁ paṭicca naanāgatārammaṇo dhammo uppajjati hetupaccayā. Atītārammaṇaṁ dhammaṁ paṭicca napaccuppannārammaṇo dhammo uppajjati hetupaccayā. Atītārammaṇaṁ dhammaṁ paṭicca naatītārammaṇo ca napaccuppannārammaṇo ca dhammā uppajjanti hetupaccayā. Atītārammaṇaṁ dhammaṁ paṭicca naanāgatārammaṇo ca napaccuppannārammaṇo ca dhammā uppajjanti hetupaccayā. Atītārammaṇaṁ dhammaṁ paṭicca naatītārammaṇo ca naanāgatārammaṇo ca dhammā uppajjanti hetupaccayā. Atītārammaṇaṁ dhammaṁ paṭicca naatītārammaṇo ca naanāgatārammaṇo ca napaccuppannārammaṇo ca dhammā uppajjanti hetupaccayā. (7) (Saṁkhittaṁ.)
128 Hetuyā ekavīsa, ārammaṇe nava…pe… avigate ekavīsa.