Tika, Saraṇaduka
Sanidassanattika, Saraṇaduka
Paṭiccādivāra
Hetu
68. 1919 Anidassanaappaṭighaṁ saraṇaṁ dhammaṁ paṭicca anidassanaappaṭigho saraṇo dhammo uppajjati hetupaccayā. (Sabbattha ekaṁ.)
1920 Anidassanaappaṭighaṁ araṇaṁ dhammaṁ paṭicca anidassanaappaṭigho araṇo dhammo uppajjati hetupaccayā… satta. (Saṁkhittaṁ.)
69. 1921 Hetuyā ekavīsa, ārammaṇe ekaṁ…pe… anantare samanantare ekaṁ, sahajāte ekavīsa, aññamaññe cha…pe… upanissaye purejāte āsevane ekaṁ…pe… avigate ekavīsa. (Saṁkhittaṁ.)
1922 (Sahajātavārampi…pe… sampayuttavārampi paṭiccavārasadisaṁ.)
70. 1923 Anidassanaappaṭigho araṇo dhammo anidassanaappaṭighassa araṇassa dhammassa hetupaccayena paccayo. (Saṁkhittaṁ.)
1924 Hetuyā satta, ārammaṇe tīṇi, adhipatiyā nava, anantare samanantare ekaṁ, sahajāte ekavīsa, aññamaññe cha, nissaye ekavīsa, upanissaye tīṇi, purejāte cha, pacchājāte satta, āsevane ekaṁ, kamme vipāke āhāre satta, indriye nava, jhāne magge satta, sampayutte ekaṁ, vippayutte aṭṭha…pe… avigate pañcavīsa. (Saṁkhittaṁ.)
1925 (Yathā kusalattike pañhāvāraṁ, evaṁ vitthāretabbaṁ.)