Hetu

47. 1840 Parittārammaṇaṁ saraṇaṁ dhammaṁ paṭicca parittārammaṇo saraṇo dhammo uppajjati hetupaccayā. (1)

1841 Mahaggatārammaṇaṁ saraṇaṁ dhammaṁ paṭicca mahaggatārammaṇo saraṇo dhammo uppajjati hetupaccayā. (1) (Saṁkhittaṁ.)

1842 Hetuyā dve…pe… avigate dve. (Saṁkhittaṁ.)

1843 (Sahajātavārepi…pe… pañhāvārepi sabbattha vitthāro.)

48. 1844 Parittārammaṇaṁ araṇaṁ dhammaṁ paṭicca parittārammaṇo araṇo dhammo uppajjati hetupaccayā. (1)

1845 Mahaggatārammaṇaṁ araṇaṁ dhammaṁ paṭicca mahaggatārammaṇo araṇo dhammo uppajjati hetupaccayā. (1)

1846 Appamāṇārammaṇaṁ araṇaṁ dhammaṁ paṭicca appamāṇārammaṇo araṇo dhammo uppajjati hetupaccayā. (1) (Saṁkhittaṁ.)

1847 Hetuyā tīṇi…pe… avigate tīṇi. (Saṁkhittaṁ.)

1848 (Sahajātavārepi…pe… pañhāvārepi sabbattha vitthāro.)