Kusalattika, Piṭṭhiduka
Kusalattika, Kāmāvacaraduka
Kāmāvacarapada
Paṭiccādivāra
Paccayacatukka
Hetu
28. 1599 Kusalaṁ kāmāvacaraṁ dhammaṁ paṭicca kusalo kāmāvacaro dhammo uppajjati hetupaccayā. Kusalaṁ kāmāvacaraṁ dhammaṁ paṭicca abyākato kāmāvacaro dhammo uppajjati hetupaccayā. Kusalaṁ kāmāvacaraṁ dhammaṁ paṭicca kusalo kāmāvacaro ca abyākato kāmāvacaro ca dhammā uppajjanti hetupaccayā. (3)
1600 Akusalaṁ kāmāvacaraṁ dhammaṁ paṭicca akusalo kāmāvacaro dhammo uppajjati hetupaccayā… tīṇi.
1601 Abyākataṁ kāmāvacaraṁ dhammaṁ paṭicca abyākato kāmāvacaro dhammo uppajjati hetupaccayā. (1)
1602 Kusalaṁ kāmāvacarañca abyākataṁ kāmāvacarañca dhammaṁ paṭicca abyākato kāmāvacaro dhammo uppajjati hetupaccayā. (1)
1603 Akusalaṁ kāmāvacarañca abyākataṁ kāmāvacarañca dhammaṁ paṭicca abyākato kāmāvacaro dhammo uppajjati hetupaccayā. (1) (Saṁkhittaṁ.)
29. 1604 Hetuyā nava, ārammaṇe tīṇi…pe… vipāke ekaṁ…pe… avigate nava. (Saṁkhittaṁ.)
1605 (Sahajātavārampi…pe… sampayuttavārampi paṭiccavārasadisaṁ.)
30. 1606 Kusalo kāmāvacaro dhammo kusalassa kāmāvacarassa dhammassa hetupaccayena paccayo… tīṇi.
1607 Akusalo kāmāvacaro dhammo kusalassa kāmāvacarassa dhammassa hetupaccayena paccayo… tīṇi.
1608 Abyākato kāmāvacaro dhammo abyākatassa kāmāvacarassa dhammassa hetupaccayena paccayo. (1) (Saṁkhittaṁ.)
31. 1609 Hetuyā satta, ārammaṇe nava, adhipatiyā nava…pe… avigate terasa. (Saṁkhittaṁ.)
1610 (Yathā kusalattike pañhāvāraṁ, evaṁ vitthāretabbaṁ.)