Kusalattika, Piṭṭhiduka
Kusalattika, Sappītikaduka
Sappītikapada
Paṭiccādivāra
Paccayacatukka
20. 1579 Kusalaṁ sappītikaṁ dhammaṁ paṭicca kusalo sappītiko dhammo uppajjati hetupaccayā. (1)
1580 Akusalaṁ sappītikaṁ dhammaṁ paṭicca akusalo sappītiko dhammo uppajjati hetupaccayā. (1)
1581 Abyākataṁ sappītikaṁ dhammaṁ paṭicca abyākato sappītiko dhammo uppajjati hetupaccayā. (1) (Saṁkhittaṁ.)
21. 1582 Hetuyā tīṇi, ārammaṇe tīṇi…pe… vipāke ekaṁ…pe… avigate tīṇi. (Saṁkhittaṁ.)
1583 (Sahajātavārampi…pe… sampayuttavārampi paṭiccavārasadisaṁ.)
22. 1584 Kusalo sappītiko dhammo kusalassa sappītikassa dhammassa hetupaccayena paccayo. (1)
1585 Akusalo sappītiko dhammo akusalassa sappītikassa dhammassa hetupaccayena paccayo. (1)
1586 Abyākato sappītiko dhammo abyākatassa sappītikassa dhammassa hetupaccayena paccayo. (1) (Saṁkhittaṁ.)
23. 1587 Hetuyā tīṇi, ārammaṇe nava, adhipatiyā…pe… samanantare satta, sahajāte aññamaññe nissaye tīṇi, upanissaye nava, āsevane tīṇi, kamme pañca, vipāke ekaṁ, āhāre…pe… sampayutte tīṇi…pe… avigate tīṇi. (Saṁkhittaṁ.)