Kusalattika, Piṭṭhiduka
Kusalattika, Savitakkaduka
Savitakkapada
Paṭiccādivāra
Hetu-ārammaṇa
12. 1558 Kusalaṁ savitakkaṁ dhammaṁ paṭicca kusalo savitakko dhammo uppajjati hetupaccayā. (1)
1559 Akusalaṁ savitakkaṁ dhammaṁ paṭicca akusalo savitakko dhammo uppajjati hetupaccayā. (1)
1560 Abyākataṁ savitakkaṁ dhammaṁ paṭicca abyākato savitakko dhammo uppajjati hetupaccayā. (1) (Saṁkhittaṁ.)
13. 1561 Hetuyā tīṇi, ārammaṇe tīṇi…pe… vipāke ekaṁ, avigate tīṇi. (Saṁkhittaṁ.)
1562 (Sahajātavārampi…pe… sampayuttavārampi paṭiccavārasadisaṁ.)
14. 1563 Kusalo savitakko dhammo kusalassa savitakkassa dhammassa hetupaccayena paccayo. (1)
1564 Akusalo savitakko dhammo akusalassa savitakkassa dhammassa hetupaccayena paccayo. (1)
1565 Abyākato savitakko dhammo abyākatassa savitakkassa dhammassa hetupaccayena paccayo. (1)
1566 Kusalo savitakko dhammo kusalassa savitakkassa dhammassa ārammaṇapaccayena paccayo… tīṇi.
1567 Akusalo savitakko dhammo akusalassa savitakkassa dhammassa ārammaṇapaccayena paccayo… tīṇi.
1568 Abyākato savitakko dhammo abyākatassa savitakkassa dhammassa ārammaṇapaccayena paccayo… tīṇi. (Saṁkhittaṁ.)
15. 1569 Hetuyā tīṇi, ārammaṇe nava, adhipatiyā satta, anantare satta…pe… sahajāte aññamaññe nissaye tīṇi, upanissaye nava, āsevane tīṇi, kamme pañca, vipāke ekaṁ, āhāre…pe… sampayutte tīṇi…pe… avigate tīṇi. (Saṁkhittaṁ.)
1570 (Yathā kusalattike pañhāvāraṁ, evaṁ vitthāretabbaṁ.)