Paccayacatukka

51. 1668 Kusalaṁ niyataṁ dhammaṁ paṭicca kusalo niyato dhammo uppajjati hetupaccayā. (1)

1669 Akusalaṁ niyataṁ dhammaṁ paṭicca akusalo niyato dhammo uppajjati hetupaccayā. (1) (Saṁkhittaṁ.)

1670 Hetuyā dve, ārammaṇe dve…pe… avigate dve. (Saṁkhittaṁ.) (Sahajātavārampi…pe… pañhāvārampi evaṁ vitthāretabbaṁ.)

52. 1671 Kusalaṁ aniyataṁ dhammaṁ paṭicca kusalo aniyato dhammo uppajjati hetupaccayā. (Saṁkhittaṁ.)

1672 Hetuyā nava, ārammaṇe tīṇi…pe… avigate nava. (Saṁkhittaṁ.) (Sahajātavārampi…pe… pañhāvārampi evaṁ vitthāretabbaṁ.)