Kusalattika, Piṭṭhiduka
Kusalattika, Dassanenapahātabbaduka
Paṭiccādivāra
Hetu
1. 1526 Akusalaṁ dassanena pahātabbaṁ dhammaṁ paṭicca akusalo dassanena pahātabbo dhammo uppajjati hetupaccayā. (Saṁkhittaṁ.)
1527 Hetuyā ekaṁ, ārammaṇe ekaṁ…pe… avigate ekaṁ. (Saṁkhittaṁ.)
1528 (Sahajātavārepi…pe… pañhāvārepi sabbattha ekaṁ.)
2. 1529 Kusalaṁ nadassanena pahātabbaṁ dhammaṁ paṭicca kusalo nadassanena pahātabbo dhammo uppajjati hetupaccayā… tīṇi.
1530 Akusalaṁ nadassanena pahātabbaṁ dhammaṁ paṭicca akusalo nadassanena pahātabbo dhammo uppajjati hetupaccayā… tīṇi.
1531 Abyākataṁ nadassanena pahātabbaṁ dhammaṁ paṭicca abyākato nadassanena pahātabbo dhammo uppajjati hetupaccayā. (1)
1532 Kusalaṁ nadassanena pahātabbañca abyākataṁ nadassanena pahātabbañca dhammaṁ paṭicca abyākato nadassanena pahātabbo dhammo uppajjati hetupaccayā. (1)
1533 Akusalaṁ nadassanena pahātabbañca abyākataṁ nadassanena pahātabbañca dhammaṁ paṭicca abyākato nadassanena pahātabbo dhammo uppajjati hetupaccayā. (1)
3. 1534 Hetuyā nava, ārammaṇe tīṇi…pe… vipāke ekaṁ…pe… avigate nava. (Saṁkhittaṁ.)
1535 (Sahajātavārampi…pe… sampayuttavārampi paṭiccavārasadisaṁ.)
4. 1536 Kusalo nadassanena pahātabbo dhammo kusalassa nadassanena pahātabbassa dhammassa hetupaccayena paccayo… tīṇi.
1537 Akusalo nadassanena pahātabbo dhammo akusalassa nadassanena pahātabbassa dhammassa hetupaccayena paccayo… tīṇi.
1538 Abyākato nadassanena pahātabbo dhammo abyākatassa nadassanena pahātabbassa dhammassa hetupaccayena paccayo. (1) (Saṁkhittaṁ.)
5. 1539 Hetuyā satta, ārammaṇe nava, adhipatiyā dasa, anantare satta…pe… avigate terasa. (Saṁkhittaṁ.)
1540 (Yathā kusalattike pañhāvāraṁ, evaṁ vitthāretabbaṁ.)