Kusalattika, Kilesagocchaka
Kusalattika, Kilesavippayuttasaṃkilesikaduka
Paṭiccādivāra
Hetu
30. 1509 Kusalaṁ kilesavippayuttaṁ saṁkilesikaṁ dhammaṁ paṭicca kusalo kilesavippayutto saṁkilesiko dhammo uppajjati hetupaccayā. Kusalaṁ kilesavippayuttaṁ saṁkilesikaṁ dhammaṁ paṭicca abyākato kilesavippayutto saṁkilesiko dhammo uppajjati hetupaccayā. Kusalaṁ kilesavippayuttaṁ saṁkilesikaṁ dhammaṁ paṭicca kusalo kilesavippayutto saṁkilesiko ca abyākato kilesavippayutto saṁkilesiko ca dhammā uppajjanti hetupaccayā. (3)
1510 Abyākataṁ kilesavippayuttaṁ saṁkilesikaṁ dhammaṁ paṭicca abyākato kilesavippayutto saṁkilesiko dhammo uppajjati hetupaccayā. (1)
1511 Kusalaṁ kilesavippayuttaṁ saṁkilesikañca abyākataṁ kilesavippayuttaṁ saṁkilesikañca dhammaṁ paṭicca abyākato kilesavippayutto saṁkilesiko dhammo uppajjati hetupaccayā. (1) (Saṁkhittaṁ.)
31. 1512 Hetuyā pañca, ārammaṇe dve…pe… vipāke ekaṁ…pe… avigate pañca. (Saṁkhittaṁ.)
1513 (Sahajātavārampi…pe… sampayuttavārampi paṭiccavārasadisaṁ.)
32. 1514 Kusalo kilesavippayutto saṁkilesiko dhammo kusalassa kilesavippayuttassa saṁkilesikassa dhammassa hetupaccayena paccayo… tīṇi.
1515 Abyākato kilesavippayutto saṁkilesiko dhammo abyākatassa kilesavippayuttassa saṁkilesikassa dhammassa hetupaccayena paccayo. (1) (Saṁkhittaṁ.)
33. 1516 Hetuyā cattāri, ārammaṇe cattāri, adhipatiyā cattāri…pe… avigate satta. (Saṁkhittaṁ. Yathā kusalattike pañhāvāraṁ, evaṁ vitthāretabbaṁ.)
34. 1517 Kusalaṁ kilesavippayuttaṁ asaṁkilesikaṁ dhammaṁ paṭicca kusalo kilesavippayutto asaṁkilesiko dhammo uppajjati hetupaccayā.
1518 Abyākataṁ kilesavippayuttaṁ asaṁkilesikaṁ dhammaṁ paṭicca abyākato kilesavippayutto asaṁkilesiko dhammo uppajjati hetupaccayā.
1519 Hetuyā dve…pe… āsevane vipāke ekaṁ…pe… avigate dve. (Saṁkhittaṁ.)
1520 (Sahajātavārampi…pe… sampayuttavārampi paṭiccavārasadisaṁ.)
35. 1521 Kusalo kilesavippayutto asaṁkilesiko dhammo kusalassa kilesavippayuttassa asaṁkilesikassa dhammassa hetupaccayena paccayo. (1)
1522 Abyākato kilesavippayutto asaṁkilesiko dhammo abyākatassa kilesavippayuttassa asaṁkilesikassa dhammassa hetupaccayena paccayo. (1) (Saṁkhittaṁ.)
36. 1523 Hetuyā dve, ārammaṇe dve, adhipatiyā tīṇi, anantare dve…pe… upanissaye cattāri…pe… kamme tīṇi, vipāke ekaṁ…pe… avigate dve. (Saṁkhittaṁ.)
1524 (Yathā kusalattike pañhāvāraṁ, evaṁ vitthāretabbaṁ.)
1525 Kusalattikakilesagocchakaṁ niṭṭhitaṁ.