Kusalattika, Kilesagocchaka
Kusalattika, Kilesasaṃkilesikaduka
Paṭiccādivāra
Hetu
21. 1484 Akusalaṁ kilesañceva saṁkilesikañca dhammaṁ paṭicca akusalo kileso ceva saṁkilesiko ca dhammo uppajjati hetupaccayā. (Saṁkhittaṁ.)
1485 Hetuyā ekaṁ…pe… avigate ekaṁ. (Saṁkhittaṁ.)
1486 (Sahajātavārepi…pe… pañhāvārepi sabbattha ekaṁ.)
22. 1487 Kusalaṁ saṁkilesikañceva no ca kilesaṁ dhammaṁ paṭicca kusalo saṁkilesiko ceva no ca kileso dhammo uppajjati hetupaccayā… tīṇi.
1488 Akusalaṁ saṁkilesikañceva no ca kilesaṁ dhammaṁ paṭicca akusalo saṁkilesiko ceva no ca kileso dhammo uppajjati hetupaccayā… tīṇi.
1489 Abyākataṁ saṁkilesikañceva no ca kilesaṁ dhammaṁ paṭicca abyākato saṁkilesiko ceva no ca kileso dhammo uppajjati hetupaccayā.
1490 Kusalaṁ saṁkilesikañceva no ca kilesañca abyākataṁ saṁkilesikañceva no ca kilesañca dhammaṁ paṭicca abyākato saṁkilesiko ceva no ca kileso dhammo uppajjati hetupaccayā. (1)
1491 Akusalaṁ saṁkilesikañceva no ca kilesañca abyākataṁ saṁkilesikañceva no ca kilesañca dhammaṁ paṭicca abyākato saṁkilesiko ceva no ca kileso dhammo uppajjati hetupaccayā. (Saṁkhittaṁ.)
23. 1492 Hetuyā nava, ārammaṇe tīṇi…pe… vipāke ekaṁ…pe… avigate nava. (Saṁkhittaṁ.)
1493 (Sahajātavārampi…pe… sampayuttavārampi paṭiccavārasadisaṁ.)
24. 1494 Kusalo saṁkilesiko ceva no ca kileso dhammo kusalassa saṁkilesikassa ceva no ca kilesassa dhammassa hetupaccayena paccayo… tīṇi.
1495 Abyākato saṁkilesiko ceva no ca kileso dhammo abyākatassa saṁkilesikassa ceva no ca kilesassa dhammassa hetupaccayena paccayo. (1) (Saṁkhittaṁ.)
25. 1496 Hetuyā cattāri, ārammaṇe nava, adhipatiyā nava…pe… avigate terasa. (Saṁkhittaṁ. Yathā kusalattike pañhāvāraṁ, evaṁ vitthāretabbaṁ.)