Kusalattika, Kilesagocchaka
Kusalattika, Saṃkiliṭṭhaduka
Paṭiccādivāra
Hetu-ārammaṇa
14. 1468 Akusalaṁ saṁkiliṭṭhaṁ dhammaṁ paṭicca akusalo saṁkiliṭṭho dhammo uppajjati hetupaccayā. (Saṁkhittaṁ.)
1469 Hetuyā ekaṁ, ārammaṇe ekaṁ…pe… avigate ekaṁ. (Saṁkhittaṁ.)
1470 (Sahajātavārepi…pe… pañhāvārepi sabbattha ekaṁ.)
15. 1471 Kusalaṁ asaṁkiliṭṭhaṁ dhammaṁ paṭicca kusalo asaṁkiliṭṭho dhammo uppajjati hetupaccayā. Kusalaṁ asaṁkiliṭṭhaṁ dhammaṁ paṭicca abyākato asaṁkiliṭṭho dhammo uppajjati hetupaccayā. Kusalaṁ asaṁkiliṭṭhaṁ dhammaṁ paṭicca kusalo asaṁkiliṭṭho ca abyākato asaṁkiliṭṭho ca dhammā uppajjanti hetupaccayā. (3)
1472 Abyākataṁ asaṁkiliṭṭhaṁ dhammaṁ paṭicca abyākato asaṁkiliṭṭho dhammo uppajjati hetupaccayā. Kusalaṁ asaṁkiliṭṭhañca abyākataṁ asaṁkiliṭṭhañca dhammaṁ paṭicca abyākato asaṁkiliṭṭho dhammo uppajjati hetupaccayā. (2)
16. 1473 Kusalaṁ asaṁkiliṭṭhaṁ dhammaṁ paṭicca kusalo asaṁkiliṭṭho dhammo uppajjati ārammaṇapaccayā. (1)
1474 Abyākataṁ asaṁkiliṭṭhaṁ dhammaṁ paṭicca abyākato asaṁkiliṭṭho dhammo uppajjati ārammaṇapaccayā. (1) (Saṁkhittaṁ.)
17. 1475 Hetuyā pañca, ārammaṇe dve, adhipatiyā pañca…pe… vipāke ekaṁ…pe… avigate pañca. (Saṁkhittaṁ.)
1476 (Sahajātavārampi…pe… sampayuttavārampi paṭiccavārasadisaṁ.)
18. 1477 Kusalo asaṁkiliṭṭho dhammo kusalassa asaṁkiliṭṭhassa dhammassa hetupaccayena paccayo… tīṇi.
1478 Abyākato asaṁkiliṭṭho dhammo abyākatassa asaṁkiliṭṭhassa dhammassa hetupaccayena paccayo. (1)
1479 Kusalo asaṁkiliṭṭho dhammo kusalassa asaṁkiliṭṭhassa dhammassa ārammaṇapaccayena paccayo… dve.
1480 Abyākato asaṁkiliṭṭho dhammo abyākatassa asaṁkiliṭṭhassa dhammassa ārammaṇapaccayena paccayo… dve. (Saṁkhittaṁ.)
19. 1481 Hetuyā cattāri, ārammaṇe cattāri, adhipatiyā pañca, anantare cattāri…pe… sahajāte pañca, aññamaññe dve, nissaye satta, upanissaye cattāri, purejāte pacchājāte āsevane dve, kamme cattāri, vipāke ekaṁ, āhāre…pe… magge cattāri, sampayutte dve, vippayutte tīṇi…pe… avigate satta. (Saṁkhittaṁ.)
1482 (Yathā kusalattike pañhāvāraṁ, evaṁ vitthāretabbaṁ.)