Kusalattika, Kilesagocchaka
Kusalattika, Saṃkilesikaduka
Paṭiccādivāra
Paccayacatukka
6. 1448 Kusalaṁ saṁkilesikaṁ dhammaṁ paṭicca kusalo saṁkilesiko dhammo uppajjati hetupaccayā… tīṇi.
1449 Akusalaṁ saṁkilesikaṁ dhammaṁ paṭicca akusalo saṁkilesiko dhammo uppajjati hetupaccayā… tīṇi.
1450 Abyākataṁ saṁkilesikaṁ dhammaṁ paṭicca abyākato saṁkilesiko dhammo uppajjati hetupaccayā. (1)
1451 Kusalaṁ saṁkilesikañca abyākataṁ saṁkilesikañca dhammaṁ paṭicca abyākato saṁkilesiko dhammo uppajjati hetupaccayā. (1)
1452 Akusalaṁ saṁkilesikañca abyākataṁ saṁkilesikañca dhammaṁ paṭicca abyākato saṁkilesiko dhammo uppajjati hetupaccayā. (1)
7. 1453 Hetuyā nava, ārammaṇe tīṇi…pe… vipāke ekaṁ…pe… avigate nava. (Saṁkhittaṁ.)
1454 (Sahajātavārampi…pe… sampayuttavārampi vitthāretabbaṁ.)
8. 1455 Kusalo saṁkilesiko dhammo akusalassa saṁkilesikassa dhammassa hetupaccayena paccayo… tīṇi.
1456 Akusalo saṁkilesiko dhammo akusalassa saṁkilesikassa dhammassa hetupaccayena paccayo… tīṇi.
1457 Abyākato saṁkilesiko dhammo abyākatassa saṁkilesikassa dhammassa hetupaccayena paccayo. (1) (Saṁkhittaṁ.)
9. 1458 Hetuyā satta, ārammaṇe nava, adhipatiyā nava…pe… avigate terasa. (Saṁkhittaṁ. Yathā kusalattike pañhāvāraṁ, evaṁ vitthāretabbaṁ.)
10. 1459 Kusalaṁ asaṁkilesikaṁ dhammaṁ paṭicca kusalo asaṁkilesiko dhammo uppajjati hetupaccayā. (1)
1460 Abyākataṁ asaṁkilesikaṁ dhammaṁ paṭicca abyākato asaṁkilesiko dhammo uppajjati hetupaccayā. (1) (Saṁkhittaṁ.)
11. 1461 Hetuyā dve, ārammaṇe dve…pe… āsevane ekaṁ…pe… vipāke ekaṁ…pe… avigate dve. (Saṁkhittaṁ.)
1462 (Sahajātavārampi…pe… sampayuttavārampi paṭiccavārasadisaṁ.)
12. 1463 Kusalo asaṁkilesiko dhammo kusalassa asaṁkilesikassa dhammassa hetupaccayena paccayo. (1)
1464 Abyākato asaṁkilesiko dhammo abyākatassa asaṁkilesikassa dhammassa hetupaccayena paccayo. (1)
1465 Abyākato asaṁkilesiko dhammo abyākatassa asaṁkilesikassa dhammassa ārammaṇapaccayena paccayo. Abyākato asaṁkilesiko dhammo kusalassa asaṁkilesikassa dhammassa ārammaṇapaccayena paccayo. (2) (Saṁkhittaṁ.)
13. 1466 Hetuyā dve, ārammaṇe dve, adhipatiyā tīṇi, anantare dve…pe… upanissaye cattāri…pe… kamme tīṇi, vipāke ekaṁ…pe… avigate dve. (Saṁkhittaṁ.)
1467 (Yathā kusalattike pañhāvāraṁ, evaṁ vitthāretabbaṁ.)