Kusalattika, Mahantaradukaupādānagocchaka
Kusalattika, Cetasikaduka
Paṭiccādivāra
Paccayacatukka
Hetu-ārammaṇa
13. 1366 Kusalo cetasiko dhammo kusalassa cetasikassa dhammassa hetupaccayena paccayo. (1)
1367 Akusalo cetasiko dhammo akusalassa cetasikassa dhammassa hetupaccayena paccayo. (1)
1368 Abyākato cetasiko dhammo abyākatassa cetasikassa dhammassa hetupaccayena paccayo. (1)
1369 Kusalo cetasiko dhammo kusalassa cetasikassa dhammassa ārammaṇapaccayena paccayo… tīṇi.
1370 Akusalo cetasiko dhammo akusalassa cetasikassa dhammassa ārammaṇapaccayena paccayo… tīṇi.
1371 Abyākato cetasiko dhammo abyākatassa cetasikassa dhammassa ārammaṇapaccayena paccayo… tīṇi. (Saṁkhittaṁ.)
14. 1372 Hetuyā tīṇi, ārammaṇe nava, adhipatiyā satta, anantare satta…pe… sahajāte aññamaññe nissaye tīṇi, upanissaye nava, āsevane tīṇi, kamme pañca, vipāke ekaṁ, āhāre…pe… sampayutte tīṇi…pe… avigate tīṇi. (Saṁkhittaṁ.)
1373 (Yathā kusalattike pañhāvāraṁ, evaṁ vitthāretabbaṁ.)
15. 1374 Kusalaṁ acetasikaṁ dhammaṁ paṭicca abyākato acetasiko dhammo uppajjati hetupaccayā. (1)
1375 Akusalaṁ acetasikaṁ dhammaṁ paṭicca abyākato acetasiko dhammo uppajjati hetupaccayā. (1)
1376 Abyākataṁ acetasikaṁ dhammaṁ paṭicca abyākato acetasiko dhammo uppajjati hetupaccayā. (1)
1377 Kusalaṁ acetasikañca abyākataṁ acetasikañca dhammaṁ paṭicca abyākato acetasiko dhammo uppajjati hetupaccayā. (1)
1378 Akusalaṁ acetasikañca abyākataṁ acetasikañca dhammaṁ paṭicca abyākato acetasiko dhammo uppajjati hetupaccayā. (1) (Saṁkhittaṁ.)
16. 1379 Hetuyā pañca, ārammaṇe ekaṁ…pe… avigate pañca.
1380 Nahetuyā ekaṁ, naārammaṇe pañca, novigate pañca.
1381 (Sahajātavārampi…pe… pañhāvārampi evaṁ vitthāretabbaṁ.)