Kusalattika, Āsavaparāmāsagocchaka
Kusalattika, Āsavaāsavasampayuttaduka
Paṭiccādivāra
Paccayacatukka
24. 1296 Akusalaṁ āsavañceva āsavasampayuttañca dhammaṁ paṭicca akusalo āsavo ceva āsavasampayutto ca dhammo uppajjati hetupaccayā. (Saṁkhittaṁ.)
1297 Hetuyā ekaṁ, ārammaṇe ekaṁ…pe… avigate ekaṁ. (Saṁkhittaṁ.)
1298 (Sahajātavārepi…pe… sampayuttavārepi pañhāvārepi sabbattha ekaṁ.)
25. 1299 Akusalaṁ āsavasampayuttañceva no ca āsavaṁ dhammaṁ paṭicca akusalo āsavasampayutto ceva no ca āsavo dhammo uppajjati hetupaccayā. (Saṁkhittaṁ.)
1300 Hetuyā ekaṁ, ārammaṇe ekaṁ…pe… avigate ekaṁ. (Saṁkhittaṁ.)
1301 (Sahajātavārepi…pe… sampayuttavārepi pañhāvārepi sabbattha ekaṁ.)
26. 1302 Kusalaṁ āsavavippayuttaṁ sāsavaṁ dhammaṁ paṭicca kusalo āsavavippayutto sāsavo dhammo uppajjati hetupaccayā… tīṇi.
1303 Akusalaṁ āsavavippayuttaṁ sāsavaṁ dhammaṁ paṭicca abyākato āsavavippayutto sāsavo dhammo uppajjati hetupaccayā. (1)
1304 Abyākataṁ āsavavippayuttaṁ sāsavaṁ dhammaṁ paṭicca abyākato āsavavippayutto sāsavo dhammo uppajjati hetupaccayā. (1)
1305 Kusalaṁ āsavavippayuttaṁ sāsavañca abyākataṁ āsavavippayuttaṁ sāsavañca dhammaṁ paṭicca abyākato āsavavippayutto sāsavo dhammo uppajjati hetupaccayā. (1)
1306 Akusalaṁ āsavavippayuttaṁ sāsavañca abyākataṁ āsavavippayuttaṁ sāsavañca dhammaṁ paṭicca abyākato āsavavippayutto sāsavo dhammo uppajjati hetupaccayā. (1) (Saṁkhittaṁ.)
27. 1307 Hetuyā satta, ārammaṇe dve…pe… vipāke ekaṁ…pe… avigate satta. (Saṁkhittaṁ.)
1308 (Sahajātavārampi…pe… sampayuttavārampi paṭiccavārasadisaṁ.)
28. 1309 Kusalo āsavavippayutto sāsavo dhammo kusalassa āsavavippayuttassa sāsavassa dhammassa hetupaccayena paccayo… tīṇi.
1310 Akusalo āsavavippayutto sāsavo dhammo abyākatassa āsavavippayuttassa sāsavassa dhammassa hetupaccayena paccayo. (1)
1311 Abyākato āsavavippayutto sāsavo dhammo abyākatassa āsavavippayuttassa sāsavassa dhammassa hetupaccayena paccayo. (Saṁkhittaṁ.)
29. 1312 Hetuyā pañca, ārammaṇe nava, adhipatiyā cattāri, anantare…pe… sahajāte satta, aññamaññe dve, nissaye dasa, upanissaye nava, purejāte pacchājāte āsevane tīṇi, kamme cattāri, vipāke ekaṁ, āhāre…pe… magge cattāri, sampayutte dve, vippayutte pañca…pe… avigate dasa. (Saṁkhittaṁ. Yathā kusalattike pañhāvāraṁ, evaṁ vitthāretabbaṁ.)