Kusalattika, Āsavaparāmāsagocchaka
Kusalattika, Āsavasāsavaduka
Paṭiccādivāra
Paccayacatukka
Hetu
19. 1282 Akusalaṁ āsavañceva sāsavañca dhammaṁ paṭicca akusalo āsavo ceva sāsavo ca dhammo uppajjati hetupaccayā. (Saṁkhittaṁ.)
1283 Hetuyā ekaṁ, ārammaṇe ekaṁ…pe… avigate ekaṁ. (Saṁkhittaṁ.)
1284 (Sahajātavārepi…pe… sampayuttavārepi pañhāvārepi sabbattha ekaṁ.)
20. 1285 Kusalaṁ sāsavañceva no ca āsavaṁ dhammaṁ paṭicca kusalo sāsavo ceva no ca āsavo dhammo uppajjati hetupaccayā… tīṇi.
1286 Akusalaṁ sāsavañceva no ca āsavaṁ dhammaṁ paṭicca akusalo sāsavo ceva no ca āsavo dhammo uppajjati hetupaccayā… tīṇi.
1287 Abyākataṁ sāsavañceva no ca āsavaṁ dhammaṁ paṭicca abyākato sāsavo ceva no ca āsavo dhammo uppajjati hetupaccayā. (1)
1288 Kusalaṁ sāsavañceva no ca āsavañca abyākataṁ sāsavañceva no ca āsavañca dhammaṁ paṭicca abyākato sāsavo ceva no ca āsavo dhammo uppajjati hetupaccayā. (1)
1289 Akusalaṁ sāsavañceva no ca āsavañca abyākataṁ sāsavañceva no ca āsavañca dhammaṁ paṭicca abyākato sāsavo ceva no ca āsavo dhammo uppajjati hetupaccayā. (1) (Saṁkhittaṁ.)
21. 1290 Hetuyā nava, ārammaṇe tīṇi, adhipatiyā nava…pe… vipāke ekaṁ…pe… avigate nava. (Saṁkhittaṁ.)
1291 (Sahajātavārampi…pe… sampayuttavārampi paṭiccavārasadisaṁ.)
22. 1292 Kusalo sāsavo ceva no ca āsavo dhammo kusalassa sāsavassa ceva no ca āsavassa dhammassa hetupaccayena paccayo… tīṇi.
1293 Akusalo sāsavo ceva no ca āsavo dhammo akusalassa sāsavassa ceva no ca āsavassa dhammassa hetupaccayena paccayo… tīṇi.
1294 Abyākato sāsavo ceva no ca āsavo dhammo abyākatassa sāsavassa ceva no ca āsavassa dhammassa hetupaccayena paccayo. (1) (Saṁkhittaṁ.)
23. 1295 Hetuyā satta, ārammaṇe nava, adhipatiyā nava…pe… avigate terasa. (Saṁkhittaṁ. Yathā kusalattike pañhāvāraṁ, evaṁ vitthāretabbaṁ.)