Kusalattika, Āsavaparāmāsagocchaka
Kusalattika, Āsavasampayuttaduka
Paṭiccādivāra
Paccayacatukka
Hetu
14. 1267 Akusalaṁ āsavasampayuttaṁ dhammaṁ paṭicca akusalo āsavasampayutto dhammo uppajjati hetupaccayā. (Saṁkhittaṁ.)
1268 Hetuyā ekaṁ, ārammaṇe ekaṁ…pe… avigate ekaṁ. (Saṁkhittaṁ.)
1269 (Sahajātavārepi…pe… sampayuttavārepi pañhāvārepi sabbattha ekaṁ.)
15. 1270 Kusalaṁ āsavavippayuttaṁ dhammaṁ paṭicca kusalo āsavavippayutto dhammo uppajjati hetupaccayā. Kusalaṁ āsavavippayuttaṁ dhammaṁ paṭicca abyākato āsavavippayutto dhammo uppajjati hetupaccayā. Kusalaṁ āsavavippayuttaṁ dhammaṁ paṭicca kusalo āsavavippayutto ca abyākato āsavavippayutto ca dhammā uppajjanti hetupaccayā. (3)
1271 Akusalaṁ āsavavippayuttaṁ dhammaṁ paṭicca abyākato āsavavippayutto dhammo uppajjati hetupaccayā. (1)
1272 Abyākataṁ āsavavippayuttaṁ dhammaṁ paṭicca abyākato āsavavippayutto dhammo uppajjati hetupaccayā. (1)
1273 Kusalaṁ āsavavippayuttañca abyākataṁ āsavavippayuttañca dhammaṁ paṭicca abyākato āsavavippayutto dhammo uppajjati hetupaccayā. (1)
1274 Akusalaṁ āsavavippayuttañca abyākataṁ āsavavippayuttañca dhammaṁ paṭicca abyākato āsavavippayutto dhammo uppajjati hetupaccayā. (Saṁkhittaṁ.)
16. 1275 Hetuyā satta, ārammaṇe dve, adhipatiyā satta…pe… vipāke ekaṁ…pe… avigate satta. (Saṁkhittaṁ.)
1276 (Sahajātavārampi…pe… sampayuttavārampi paṭiccavārasadisaṁ.)
17. 1277 Kusalo āsavavippayutto dhammo kusalassa āsavavippayuttassa dhammassa hetupaccayena paccayo… tīṇi.
1278 Akusalo āsavavippayutto dhammo abyākatassa āsavavippayuttassa dhammassa hetupaccayena paccayo. (1)
1279 Abyākato āsavavippayutto dhammo abyākatassa āsavavippayuttassa dhammassa hetupaccayena paccayo. (1) (Saṁkhittaṁ.)
18. 1280 Hetuyā pañca, ārammaṇe nava, adhipatiyā pañca, anantare…pe… sahajāte satta, aññamaññe dve, nissaye dasa, upanissaye nava, purejāte pacchājāte āsevane tīṇi, kamme cattāri, vipāke ekaṁ, āhāre indriye jhāne magge cattāri, sampayutte dve, vippayutte pañca…pe… avigate dasa. (Saṁkhittaṁ.)
1281 (Yathā kusalattike pañhāvāraṁ, evaṁ vitthāretabbaṁ.)