Hetu

7. 1242 Kusalaṁ sāsavaṁ dhammaṁ paṭicca kusalo sāsavo dhammo uppajjati hetupaccayā… tīṇi.

1243 Akusalaṁ sāsavaṁ dhammaṁ paṭicca akusalo sāsavo dhammo uppajjati hetupaccayā… tīṇi.

1244 Abyākataṁ sāsavaṁ dhammaṁ paṭicca abyākato sāsavo dhammo uppajjati hetupaccayā. (1)

1245 Kusalaṁ sāsavañca abyākataṁ sāsavañca dhammaṁ paṭicca abyākato sāsavo dhammo uppajjati hetupaccayā. (1)

1246 Akusalaṁ sāsavañca abyākataṁ sāsavañca dhammaṁ paṭicca abyākato sāsavo dhammo uppajjati hetupaccayā. (1) (Saṁkhittaṁ.)

8. 1247 Hetuyā nava, ārammaṇe tīṇi…pe… avigate nava. (Saṁkhittaṁ.)

1248 Nahetuyā dve, naārammaṇe pañca, naadhipatiyā nava…pe… novigate pañca. (Saṁkhittaṁ.)

1249 (Sahajātavārampi…pe… sampayuttavārampi paṭiccavārasadisaṁ.)

9. 1250 Kusalo sāsavo dhammo kusalassa sāsavassa dhammassa hetupaccayena paccayo… tīṇi.

1251 Akusalo sāsavo dhammo akusalassa sāsavassa dhammassa hetupaccayena paccayo… tīṇi.

1252 Abyākato sāsavo dhammo abyākatassa sāsavassa dhammassa hetupaccayena paccayo. (1) (Saṁkhittaṁ.)

1253 Hetuyā satta, ārammaṇe nava…pe… avigate terasa. (Saṁkhittaṁ.)

1254 (Yathā kusalattike pañhāvāraṁ, evaṁ vitthāretabbaṁ.)