Kusalattika, Cūḷantaraduka
Kusalattika, Kenaciviññeyyaduka
Paṭiccādivāra
Paccayacatukka
41. 1205 Kusalaṁ kenaci viññeyyaṁ dhammaṁ paṭicca kusalo kenaci viññeyyo dhammo uppajjati hetupaccayā. Kusalaṁ kenaci viññeyyaṁ dhammaṁ paṭicca abyākato kenaci viññeyyo dhammo uppajjati hetupaccayā. Kusalaṁ kenaci viññeyyaṁ dhammaṁ paṭicca kusalo kenaci viññeyyo ca abyākato kenaci viññeyyo ca dhammā uppajjanti hetupaccayā. (3)
1206 Akusalaṁ kenaci viññeyyaṁ dhammaṁ paṭicca akusalo kenaci viññeyyo dhammo uppajjati hetupaccayā… tīṇi.
1207 Abyākataṁ kenaci viññeyyaṁ dhammaṁ paṭicca abyākato kenaci viññeyyo dhammo uppajjati hetupaccayā. (1)
1208 Kusalaṁ kenaci viññeyyañca abyākataṁ kenaci viññeyyañca dhammaṁ paṭicca abyākato kenaci viññeyyo dhammo uppajjati hetupaccayā. (1)
1209 Akusalaṁ kenaci viññeyyañca abyākataṁ kenaci viññeyyañca dhammaṁ paṭicca abyākato kenaci viññeyyo dhammo uppajjati hetupaccayā. (1)
42. 1210 Kusalaṁ kenaci viññeyyaṁ dhammaṁ paṭicca kusalo kenaci viññeyyo dhammo uppajjati ārammaṇapaccayā. (1)
1211 Akusalaṁ kenaci viññeyyaṁ dhammaṁ paṭicca akusalo kenaci viññeyyo dhammo uppajjati ārammaṇapaccayā. (1)
1212 Abyākataṁ kenaci viññeyyaṁ dhammaṁ paṭicca abyākato kenaci viññeyyo dhammo uppajjati ārammaṇapaccayā. (1) (Saṁkhittaṁ.)
43. 1213 Hetuyā nava, ārammaṇe tīṇi…pe… vipāke ekaṁ…pe… avigate nava. (Saṁkhittaṁ.)