Kusalattika, Cūḷantaraduka
Kusalattika, Kenaciviññeyyaduka
Paṭiccādivāra
Paccanīya
Nahetu
44. 1214 Akusalaṁ kenaci viññeyyaṁ dhammaṁ paṭicca akusalo kenaci viññeyyo dhammo uppajjati nahetupaccayā. (1)
1215 Abyākataṁ kenaci viññeyyaṁ dhammaṁ paṭicca abyākato kenaci viññeyyo dhammo uppajjati nahetupaccayā. (1) (Saṁkhittaṁ.)
45. 1216 Nahetuyā dve, naārammaṇe pañca, naadhipatiyā nava…pe… novigate pañca. (Saṁkhittaṁ. Sahajātavārampi…pe… sampayuttavārampi paṭiccavārasadisaṁ.)