Hetu

17. 1138 Abyākataṁ sappaṭighaṁ dhammaṁ paṭicca abyākato sappaṭigho dhammo uppajjati hetupaccayā. (Saṁkhittaṁ.)

1139 Hetuyā ekaṁ…pe… avigate ekaṁ. (Saṁkhittaṁ.)

1140 (Sahajātavārepi…pe… pañhāvārepi sabbattha ekaṁ.)

18. 1141 Kusalaṁ appaṭighaṁ dhammaṁ paṭicca kusalo appaṭigho dhammo uppajjati hetupaccayā… tīṇi.

1142 Akusalaṁ appaṭighaṁ dhammaṁ paṭicca akusalo appaṭigho dhammo uppajjati hetupaccayā… tīṇi.

1143 Abyākataṁ appaṭighaṁ dhammaṁ paṭicca abyākato appaṭigho dhammo uppajjati hetupaccayā. (1)

1144 Kusalaṁ appaṭighañca abyākataṁ appaṭighañca dhammaṁ paṭicca abyākato appaṭigho dhammo uppajjati hetupaccayā. (1)

1145 Akusalaṁ appaṭighañca abyākataṁ appaṭighañca dhammaṁ paṭicca abyākato appaṭigho dhammo uppajjati hetupaccayā. (1)