Paccayacatukka

10. 1118 Kusalaṁ anidassanaṁ dhammaṁ paṭicca kusalo anidassano dhammo uppajjati hetupaccayā… tīṇi.

1119 Akusalaṁ anidassanaṁ dhammaṁ paṭicca akusalo anidassano dhammo uppajjati hetupaccayā… tīṇi.

1120 Abyākataṁ anidassanaṁ dhammaṁ paṭicca abyākato anidassano dhammo uppajjati hetupaccayā. (1)

1121 Kusalaṁ anidassanañca abyākataṁ anidassanañca dhammaṁ paṭicca abyākato anidassano dhammo uppajjati hetupaccayā. (1)

1122 Akusalaṁ anidassanañca abyākataṁ anidassanañca dhammaṁ paṭicca abyākato anidassano dhammo uppajjati hetupaccayā. (1)

11. 1123 Kusalaṁ anidassanaṁ dhammaṁ paṭicca kusalo anidassano dhammo uppajjati ārammaṇapaccayā. (1)

1124 Akusalaṁ anidassanaṁ dhammaṁ paṭicca akusalo anidassano dhammo uppajjati ārammaṇapaccayā. (1)

1125 Abyākataṁ anidassanaṁ dhammaṁ paṭicca abyākato anidassano dhammo uppajjati ārammaṇapaccayā. (1) (Saṁkhittaṁ.)

12. 1126 Hetuyā nava, ārammaṇe tīṇi…pe… vipāke ekaṁ…pe… avigate nava. (Saṁkhittaṁ.)