Kusalattika, Hetugocchaka
Kusalattika, Nahetusahetukaduka
Nahetusahetukapada
Paṭiccādivāra
Paccayacatukka
Ārammaṇa
38. 1075 Kusalo nahetu sahetuko dhammo kusalassa nahetussa sahetukassa dhammassa ārammaṇapaccayena paccayo… tīṇi.
1076 Akusalo nahetu sahetuko dhammo akusalassa nahetussa sahetukassa dhammassa ārammaṇapaccayena paccayo… tīṇi.
1077 Abyākato nahetu sahetuko dhammo abyākatassa nahetussa sahetukassa dhammassa ārammaṇapaccayena paccayo… tīṇi. (Saṁkhittaṁ.)
39. 1078 Ārammaṇe nava, adhipatiyā satta, anantare pañca…pe… sahajāte aññamaññe nissaye tīṇi, upanissaye nava, āsevane tīṇi, kamme pañca, vipāke ekaṁ, āhāre…pe… sampayutte tīṇi…pe… avigate tīṇi. (Saṁkhittaṁ.)
1079 Nahetuyā nava, naārammaṇe nava. (Saṁkhittaṁ.)
1080 Ārammaṇapaccayā nahetuyā nava. (Saṁkhittaṁ.)
1081 Nahetupaccayā ārammaṇe nava. (Saṁkhittaṁ.)
1082 (Yathā kusalattike pañhāvāraṁ, evaṁ vitthāretabbaṁ.)