Hetu

28. 1038 Kusalaṁ hetuñceva hetusampayuttañca dhammaṁ paṭicca kusalo hetu ceva hetusampayutto ca dhammo uppajjati hetupaccayā. (1)

1039 Akusalaṁ hetuñceva hetusampayuttañca dhammaṁ paṭicca akusalo hetu ceva hetusampayutto ca dhammo uppajjati hetupaccayā. (1)

1040 Abyākataṁ hetuñceva hetusampayuttañca dhammaṁ paṭicca abyākato hetu ceva hetusampayutto ca dhammo uppajjati hetupaccayā. (Saṁkhittaṁ.)

29. 1041 Hetuyā tīṇi…pe… vipāke ekaṁ…pe… avigate tīṇi. (Saṁkhittaṁ.)

1042 Naadhipatiyā tīṇi…pe… navippayutte tīṇi. (Saṁkhittaṁ.)

1043 Hetupaccayā naadhipatiyā tīṇi. (Saṁkhittaṁ.)

1044 Naadhipatipaccayā hetuyā tīṇi. (Saṁkhittaṁ.)

1045 (Sahajātavārampi…pe… sampayuttavārampi paṭiccavārasadisaṁ.)