Tika, Hetuduka
Dassanenapahātabbattika, Hetuduka
Hetupada
Paṭiccādivāra
Paccayacatukka
114. 393 Dassanena pahātabbaṁ hetuṁ dhammaṁ paṭicca dassanena pahātabbo hetu dhammo uppajjati hetupaccayā. (1)
394 Bhāvanāya pahātabbaṁ hetuṁ dhammaṁ paṭicca bhāvanāya pahātabbo hetu dhammo uppajjati hetupaccayā. (1)
395 Nevadassanena nabhāvanāya pahātabbaṁ hetuṁ dhammaṁ paṭicca nevadassanena nabhāvanāya pahātabbo hetu dhammo uppajjati hetupaccayā. (Saṁkhittaṁ.)
115. 396 Hetuyā tīṇi (sabbattha tīṇi), vipāke ekaṁ…pe… avigate tīṇi.
397 Naadhipatiyā tīṇi, napurejāte tīṇi…pe… navippayutte tīṇi. (Saṁkhittaṁ.)
398 (Sahajātavārampi…pe… sampayuttavārampi vitthāretabbaṁ.)
116. 399 Dassanena pahātabbo hetu dhammo dassanena pahātabbassa hetussa dhammassa hetupaccayena paccayo… tīṇi.
400 Dassanena pahātabbo hetu dhammo dassanena pahātabbassa hetussa dhammassa ārammaṇapaccayena paccayo. (Saṁkhittaṁ.)
117. 401 Hetuyā tīṇi, ārammaṇe aṭṭha, adhipatiyā cha, anantare pañca, samanantare pañca, sahajāte tīṇi, aññamaññe tīṇi, nissaye tīṇi, upanissaye aṭṭha, āsevane tīṇi, vipāke ekaṁ, indriye ekaṁ, magge ekaṁ…pe… avigate tīṇi. (Saṁkhittaṁ.)
402 Nahetuyā aṭṭha, naārammaṇe aṭṭha. (Saṁkhittaṁ.)
403 Hetupaccayā naārammaṇe tīṇi. (Saṁkhittaṁ.)
404 Nahetupaccayā ārammaṇe aṭṭha. (Saṁkhittaṁ.)
405 (Yathā kusalattike pañhāvāraṁ, evaṁ vitthāretabbaṁ.)